കഞ്ചാവ് വില്പനക്കാരെ എക്സൈസ് സംഘം നാടകീയമായി കീഴടക്കി

 കഞ്ചാവ് വില്പന നടത്തുന്നതായി വാളകം പഞ്ചായത്തു പ്രസിഡന്റ് ബിനോ കെ ചെറിയാന് രഹസ്യ വിവരം ലഭിച്ചതിനെ തുടർന്ന് പഞ്ചായത്ത് പ്രസിഡന്റ് മുവാറ്റുപുഴ  എക്സൈസ് ഉദ്യോഗസ്ഥരെ വിവരം അറിയിക്കുകയായിരുന്നു. 

കഞ്ചാവ് വാങ്ങാനെന്ന പേരിൽ വേഷം മാറി എത്തിയ എക്സൈസ് ഇൻസ്‌പെക്ടർ സുനിൽ ആന്റോ , പ്രിവന്റീവ് ഓഫീസർമാരായ രെഞ്ചു എൽദോസ്, ഹുസ്സൈനാർ, സാബു വർഗീസ് , ലിപു , റസാഖ്, സുനിൽ, നൈനി,  എന്നിവർ മഫ്തിയിലെത്തി സംഘത്തെ കീഴടക്കുകയായിരുന്നു ,

 വിവരം അറിഞ്ഞ് തഹസിൽദാർ രഞ്ജിത് ജോർജ് സ്ഥലത്തു എത്തി, കൽകട്ട മൂഷിദാബദ് സ്വദേശികളായ രണ്ട് പേരേ എക്സൈസ് സംഘം അറസ്റ്റ് ചെയ്തു.  

മൂന്ന് കിലോയോളം കഞ്ചാവ് കണ്ടെടുത്തു , ത്രാസിൽ തൂക്കി കഞ്ചാവ് ഹോൾ സെയിൽ വില്പന ആണ് ഇവിടെ നടന്നിരുന്നരുന്നത് , ഇതിന്റെ കണ്ണികൾ ഇനിയും ഉണ്ടെന്നു പഞ്ചായത്തു പ്രസിഡന്റ് ബിനോ കെ ചെറിയാൻ പറഞ്ഞു , വിശദമായ അന്വേഷണം നടന്നു വരികയാണ് എന്ന് ഇൻസ്‌പെക്ടർ സുനിൽ ആന്റോ വ്യക്തമാക്കി .