തൊടുപുഴ: വിദ്യാർത്ഥികൾ തയ്യാറാക്കിയ വായനാകാർഡുകൾ പൂർവ്വ അധ്യാപകദമ്പതികൾക്ക് ഗുരുദക്ഷിണയായി നൽകിക്കൊണ്ടാണ് അരിക്കുഴ സെന്റ് സെബാസ്റ്റ്യൻസ് എൽ. പി. സ്കൂൾ വായനവാരാഘോഷത്തിന് തുടക്കം കുറിച്ചത്.സ്കൂൾ മാനേജർ ഫാ. നിക്കോളാസ് മൂലശ്ശേരിൽ വായനാവാരാഘോഷം ഉദ്ഘാടനം ചെയ്തു.
അധ്യാപകദമ്പതികളായ അറയ്ക്കൽ എ. വി. ജോസഫ് , ഏലിക്കുട്ടി ജോസഫ് എന്നിവരിൽ നിന്നും കുട്ടികൾ പഴയകാല വായനാമാധ്യമങ്ങളെക്കുറിച്ചും അവയുടെ ലഭ്യതയെക്കുറിച്ചും വായനാവസരങ്ങളെക്കുറിച്ചും നേരിട്ട് ചോദിച്ചു മനസിലാക്കി.വായനവാരാഘോഷത്തോട് അനുബന്ധിച്ചു വായനകാർഡ് നിർമാണം , ക്വിസ് , സ്ഥലനാമകൗതുകം , പുസ്തകം പരിചയപ്പെടുത്തൽ , അക്ഷരകേളി തുടങ്ങിയ വിവിധങ്ങളായ മത്സരങ്ങളും സംഘടിപ്പിച്ചിരുന്നു.
സ്കൂൾ ഹെഡ്മാസ്റ്റർ അനീഷ് കെ. ജോർജ് അധ്യാപകരായ മാർട്ടീന ജോർജ് , അമിത തങ്കച്ചൻ , സാലി ഷാജി വിദ്യാർത്ഥി പ്രതിനിധികൾ തുടങ്ങിയവർ വായനാ വാരാഘോഷ പ്രവർത്തനങ്ങൾക്ക് നേതൃത്വം നൽകി.
Comments
0 comment