അനധികൃതമായി കുന്നിടിച്ച് പാടം നികത്തിയ കേസിൽ മണ്ണു മാന്തി യന്ത്രവും ടിപ്പറും ഉൾപ്പെടെ നാല് വാഹനങ്ങൾ പോലീസ് പിടിച്ചെടുത്തു.

 ശനിയാഴ്ച  പുലർച്ചെ മൂന്നു മണിക്ക് വാരപ്പെട്ടി കോഴിപ്പിള്ളി യുപി സ്കൂളിന് സമീപമുള്ള കുന്നാണ് അനധികൃതമായി ഇടിച്ച് നിരത്തിയത്. വാരപ്പെട്ടിയിലും പരിസരപ്രദേശങ്ങളിലും രാത്രിയിൽ അനധികൃതമായി മണ്ണെടുപ്പ് നടക്കുന്നു എന്ന പരാതിയുടെ അടിസ്ഥാനത്തിൽ നടത്തിയ പരിശോധനയിലാണ് അനധികൃതമായി മണ്ണ് ഖനനം നടത്തുകയായിരുന്ന വാഹനങ്ങൾ  പിടിച്ചെടുത്തത്. പിടിച്ചെടുത്ത വാഹനങ്ങൾ ജിയോളജി വകുപ്പിന് കൈമാറി. പരിശോധനാ സംഘത്തിൽ  കോതമംഗലം പോലീസ് ഇൻസ്പെക്ടർ പി.ടി.ബിജോയ്, എ എസ് ഐ കെ.പി.സജി, സീനിയർ സി പി ഒ നിയാസ് മീരാൻ എന്നിവരാണ് ഉണ്ടായിരുന്നത്.