കോതമംഗലം: മധ്യവയസ്കനെ വെട്ടി കൊലപ്പെടുത്താൻ ശ്രമിച്ച കേസിലെ പ്രതി അറസ്റ്റിൽ.നേര്യമംഗലം, പിറക്കുന്നം, ഇഞ്ചിപ്പാറ പാലമൂട്ടിൽ വീട്ടിൽ ഷാജി (52) യെയാണ് ഊന്നുകൽ പോലീസ് അറസ്റ്റ് ചെയ്തത്.
നേര്യമംഗലം സ്വദേശി ജോർജിനെയാണ് ആക്രമിച്ചത്. തിങ്കളാഴ്ച വൈകീട്ട് 8 മണിയോടെ തലക്കോട് മുള്ളരിങ്ങാട് കവലയിലാണ് സംഭവം. സംസാരിച്ച് നിൽക്കുകയായിരുന്ന ജോർജിനെ കൈയ്യിൽ കരുതിയിരുന്ന വാക്കത്തി കൊണ്ട് പ്രതി ആക്രമിച്ചു. തുടർന്ന് ബൈക്ക് തീവെച്ച് നശിപ്പിക്കുകയും ചെയ്തു. മുൻ വൈരാഗ്യമാണ് സംഭവത്തിന് പിന്നിൽ. അന്വഷണ സംഘത്തിൽ ഇൻസ്പെക്ടർ രതീഷ് ഗോപാൽ, എസ് ഐ കെ.പി.സിദ്ദിഖ്, എ എസ് ഐ പി.എ.സുധീഷ്, എസ് സി പി ഒ എൻ.നിഷാന്ത് കുമാർ, എ.പി.ഷിനോജ്, സി പി ഒ എൻ.യു.ദയേഷ് എന്നിവരാണ് ഉണ്ടായിരുന്നത്.
Comments
0 comment