മികച്ച വില്ലേജ് ഓഫീസിനുള്ള അവാർഡ് നേടിയ കുട്ടമംഗലം വില്ലേജ് ഓഫീസറേയും ജീവനക്കാരെയും ആന്റണി ജോൺ എം എൽ എ അഭിനന്ദിച്ചു.

.13 വില്ലേജ് ഓഫീസുകളിൽ സ്മാർട്ട് വില്ലേജ് ഓഫീസ് ആകാത്ത ഏക വില്ലേജ് ഓഫീസായ കുട്ടമംഗലം വില്ലേജ് ഓഫീസ് പരിമിതമായ സൗകര്യങ്ങൾക്കുള്ളിൽ നിന്നുകൊണ്ടാണ് അവാർഡിന് അർഹമായത്.വില്ലേജ് ഓഫീസറും അഞ്ച് ജീവനക്കാരും ചേര്‍ന്നാണ് പ്രവർത്തിക്കുന്നത്.ജനങ്ങൾക്ക് മെച്ചപ്പെട്ടരീതിയിൽ സേവനം വളരെ വേഗത്തിൽ നൽകുന്ന കാര്യത്തിൽ വില്ലേജ് ഓഫീസിലെ മുഴുവൻ സ്റ്റാഫുകളും നടത്തിയ പ്രവർത്തനം മാതൃക പരമാണെന്ന് എം എൽ എ അഭിപ്രായപ്പെട്ടു. ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻ ടി എച്ച് നൗഷാദ് എം എൽ എ യോടൊപ്പം സന്നിഹിതനായിരുന്നു.