കോതമംഗലം: കവളങ്ങാട്: എസ്എഫ്ഐ വാരപ്പെട്ടി ലോക്കൽ കമ്മിറ്റിയുടെ നേതൃത്വത്തിൽ എംജി സർവകലാശാല കലോത്സവത്തിൽ നാടോടി നൃത്തത്തിൽ എ ഗ്രേഡ് നേടിയ ആവണി ശ്രീധരനെ അനുമോദിച്ചു. ആന്റണി ജോൺ എംഎൽഎ ഉപഹാരം നൽകി.
പുന്നേക്കാട് വീട്ടിൽ ശ്രീധരന്റെയും സുധാ ശ്രീധരന്റെയും മകളാണ്. കോതമംഗലം എംഎ കോളേജിൽ ബി എ എക്കണോമിക്സ് മൂന്നാം വർഷ വിദ്യാർഥിനിയാണ്. സഹോദരൻ ആരോമൽ. വാരപ്പെട്ടിയിലെ നാട്യാഞ്ജലി സ്കൂൾ ഓഫ് ഡാൻസിലെ അഞ്ജലി സുനിൽ ആര്‍എല്‍വിയുടെ ശിഷ്യയാണ്. ചടങ്ങിൽ സിപിഐ എം ലോക്കൽ സെക്രട്ടറി എംപി വർഗീസ്, ലോക്കൽ കമ്മിറ്റിയംഗം ഇ എം നിയാസ്, കെ എസ്‌ അനന്തു, മാത്യു കെ ഐസക്, അതുൽ സജീവ് എന്നിവർ സംസാരിച്ചു.
Comments
0 comment