തൊഴിലുറപ്പ് പ്രചരണജാഥക്ക് സമാപനം

 തൊഴിലുറപ്പ് പദ്ധതിയെ തകർക്കരുത് എന്ന മുദ്രാവാക്യം ഉയർത്തി തൊഴിലുറപ്പ് തൊഴിലാളികൾ നടത്തുന്ന പ്രക്ഷോഭത്തിൻ്റെ ഭാഗമായി നടത്തിയ പ്രചരണ ജാഥ പായിപ്രയിൽ നിന്ന് ആരംഭിച്ച് മുളവൂർ ,ആവോലി ,മഞ്ഞള്ളൂരിൽ സമാപിച്ചു അപ്രായോഗികമായ എൻ എൻഎംഎസ് , ജിയോടാഗ് എന്നിവ പിൻവലിക്കുക.തൊഴിൽ ദിനങ്ങൾ 200 ആയി വർദ്ധിപ്പിക്കുക,അർഹമായ മുഴുവൻ തൊഴിലാളികൾക്കും തൊഴിൽ ഉറപ്പുവരുത്തുക, പ്രതിദിന കൂലി 600 രൂപയായി വർദ്ധിപ്പിക്കുക, തൊഴിൽ സമയം രാവിലെ 9 മുതൽ വൈകിട്ട് 4 മണി വരെയാക്കുക, യഥാസമയം കൂലിയും സാധന സാമഗ്രികളുടെ വിലയും ലഭ്യമാക്കുക, അയ്യങ്കാളി തൊഴിലുറപ്പ് പദ്ധതി ഫലപ്രദമായി നടപ്പിലാക്കുക, കൂടുതൽ തുക അനുവദിക്കുക, ക്ഷേമ പദ്ധതി ഉടൻ പ്രാബല്യത്തിൽ വരുത്തുക തുടങ്ങിയ ആവശ്യങ്ങൾ ഉന്നയിച്ചുകൊണ്ടാണ് പ്രക്ഷോഭം. എൻ ആർ ഇ ജി വർക്കേഴ്സ് യൂണിയൻ നേതൃത്വത്തിൽ നവംബർ 27ന് സംസ്ഥാന വ്യാപകമായി എല്ലാ പഞ്ചായത്ത് നഗരസഭാ കേന്ദ്രങ്ങളിലേക്ക് മേൽ സൂചിപ്പിച്ച മുദ്രാവാക്യം ഉയർത്തി മാർച്ചും ധർണ്ണയും സംഘടിപ്പിക്കുകയാണ്.സമര പ്രചരണാർത്ഥം എൻ ആർ ഇ ജി വർക്കേഴ്സ് യൂണി യൻ മൂവാറ്റുപുഴ ഏരിയ കമ്മറ്റിയുടെ നേതൃത്വത്തിൽ തൊഴിൽ കേന്ദ്രങ്ങളിലൂടെയാണ് പ്രചരണ ജാഥ സംഘടിപ്പിച്ചത്.ആവോലി മഞ്ഞളൂർ പഞ്ചായത്തുകളിലെ വിവിധ  തൊഴിൽ കേന്ദ്രങ്ങളിലൂടെയാണ് ഇന്ന് പര്യടനം നടത്തിയത്.യൂണിയൻ ഏരിയ സെക്രട്ടറി സജി ജോർജ്, പ്രസിഡൻറ് സുജാത സതീശൻ, ഏരിയ ജോ.സെക്രട്ടറിമാരായ മറിയം ബീവി നാസർ, പി ബി സാബു, ഷാജു വടക്കൻ,  ആർ സുകുമാരൻ, ഓ കെ മുഹമ്മദ്, യൂണിയൻ എക്സിക്യൂട്ടീവ് അംഗങ്ങളായ ഭവാനി ഉത്തരൻ, എം എ നൗഷാദ്, സുഹറ മുഹമ്മദ്, സിനി സത്യൻ, എം കെ ബൈജു,  തുടങ്ങിയവർ വിവിധ സ്വീകരണ കേന്ദ്രങ്ങളിൽ  സംസാരിച്ചു.