തൊടുപുഴയിൽ പുതിയ പോസ്റ്റ് ഓഫീസ് സമുച്ചയം നിർമ്മിക്കുവാൻ അനുമതിയായി: ഡീൻ കുര്യാക്കോസ് എം.പി

കഴിഞ്ഞ വർഷം കെട്ടിടത്തിനായി രൂപരേഖ, സോയിൽ ടെസ്റ്റ് എന്നിവയ്ക്കായി ഫണ്ട് അനുവദിച്ചിരുന്നു. തൊടുപുഴ മുണ്ടക്കല്ലിലാണ് സബ് റെക്കോർഡ് ഓഫീസ്, ഹെഡ് പോസ്റ്റ്‌ ഓഫീസ്, ഡിവിഷണൽ ഓഫീസ്, ഡിവിഷണൽ ട്രെയിനിങ് സെന്റർ മുതലായവ ഒരു കുടകീഴിൽ സമാന്വായിപ്പിക്കുന്നതിനായി 9460 ചതുരശ്ര അടി വലുപ്പമുള്ള കെട്ടിടമാണ് നിർമ്മിക്കുന്നത്. നിലവിൽ വാടക കെട്ടിടങ്ങളിൽ പ്രവർത്തിക്കുന്ന പുതിയ പോസ്റ്റൽ ഓഫീസുകൾക്കായി കെട്ടിടങ്ങൾ നിർമ്മിക്കുന്നതിന് 2025-26 വരെയുള്ള പദ്ധതി തയ്യാറാക്കിയിട്ടുണ്ടെന്നും ഭൂമിയുടെ ലഭ്യത, പ്രവർത്തന മുൻഗണന, ഫണ്ടിന്റെ ലഭ്യത എന്നിവ പരിഗണിച്ചാണ് നിർമ്മാണ നടപടികൾ ആരംഭിക്കുന്നതെന്നും മന്ത്രി അറിയിച്ചു.