വയനാടിലെ ഉരുൾപൊട്ടലിൽ ദുരിതമനുഭവിക്കുന്നവർക്ക് ഡി വൈ എഫ് ഐ പ്രഖ്യാപിച്ച വീട് നിർമ്മാണ പദ്ധതിക്ക് പിന്തുണയുമായി Car Zilla സ്ഥാപന ഉടമ ദിവേഷ് ബാബു.

ഡിവൈ എഫ് ഐ തൃക്കാരിയൂർ മേഖല കമ്മിറ്റിയും Car Zilla വാഷിംഗ് സെന്ററും സംയുക്തമായി സംഘടിപ്പിച്ച പരിപാടി ആന്റണി ജോൺ എം എൽ എ ഉദ്ഘാടനം ചെയ്തു.തീർത്തും മാതൃകാപരമായ പ്രവർത്തനമാണിതെന്നും ആന്റണി ജോൺ എം എൽ എ പറഞ്ഞു. കഷ്ടത അനുഭവിക്കുന്ന ജനതയ്ക്ക് കൈതാങ്ങാവാൻ മുന്നോട്ട് വന്ന് മാതൃക കാണിച്ച Car Zilla സ്ഥാപന ഉടമ ദിവേഷ് ബാബുവിനും ജീവനക്കാർക്കും എം എൽ എ നന്ദി പറഞ്ഞു. ചടങ്ങിൽ ഡി വൈ എഫ് ഐ സംസ്ഥാന കമ്മിറ്റി അംഗം കെ പി ജയകുമാർ,ഡി വൈ എഫ് ഐ ബ്ലോക്ക് പ്രസിഡന്റ് ശ്രീജിത്ത് കെ എൻ,മേഖല സെക്രട്ടറി സൂരജ് സി എസ്, ബ്ലോക്ക് ജോയിന്റ് സെക്രട്ടറി ഷാഹിൻ ടി എ,ബ്ലോക്ക് കമ്മിറ്റി അംഗം സുബിൻ എസ്, മേഖല കമ്മിറ്റി അംഗങ്ങളായ നവനീത് ബോസ്, ഉമേഷ് ഉണ്ണി, ആകാശ് വിനു എന്നിവർ സംബന്ധിച്ചു.