പേട്ട - മണ്ണാൻകടവ് തോട് വിഷയം: ഉദ്യോഗസ്ഥ വിഭാഗം സ്ഥലം സന്ദർശിച്ച് അളന്ന് തിരിക്കാൻ നടപടി

അളന്ന് തിട്ടപ്പെടുത്തി ഒഴിവാക്കാനായി ജില്ലാകലക്ടർ മാസങ്ങൾക്ക് മുൻപേ തഹസിൽദാർക്ക് പ്രത്യേക നിർദ്ദേശം നൽകിയിരിക്കുന്നതാണ്.കനത്ത മഴയിൽ മണ്ണാൻകടവ്തോട് നിറഞ്ഞൊഴുകി പ്രദേശവാസികൾക്ക് ഭീഷണിയായി തീരുന്നുവെന്ന്  ചൂണ്ടികാട്ടി നഗരസഭ പ്രതിനിധി ജാഫർസാദിഖ് കലക്ടർക്ക് നൽകിയ പരാതിയെ തുടർന്നാണ് നടപടിയായത്.നഗരസഭ എഞ്ചിനീയറിംഗ് വിഭാഗം ഭൂമി പരിശോധന നടത്തിയ റിപ്പോർട്ടിലൂടെയാണ് കയ്യേറ്റത്തിൻ്റെ കൂടുതൽ വസ്തുതകൾ മനസിലായത്. ആയതിനാൽ കയ്യേറ്റസ്ഥലം അളന്ന് മേൽനടപടികൾ എത്രയും പെട്ടെന്ന് സ്വീകരിക്കണമെന്നാവശ്യപ്പെട്ട് ജനപ്രതിനിധി ജില്ലാ കലക്ടർക്ക് പരാതി നൽകി.പരാതി ലഭിച്ചതിന് ശേഷമുള്ള വിശദമായ അന്വേഷണത്തിലൂടെ തന്നെ കലക്ടർ നടപടി സ്വീകരിക്കുകയായിരുന്നു.ഇതിൻ്റെ അടിസ്ഥാനത്തിൽ താലൂക്ക് സർവയർ സ്ഥലം പരിശോധിക്കുന്നതിനും മറ്റ് മേൽനടപടികൾ സ്വീകരിക്കുവാനായി അടുത്ത ദിവസം തന്നെ സ്ഥലം സന്ദർശിക്കും.ഇതിനെ സംബന്ധിച്ച് റോഡ് സൈഡിലുള്ള വസ്തു ഉടമകൾക്കും നഗരസഭ സെക്രട്ടറിക്കും ജനപ്രതിനിധിക്കും താലൂക്ക് ഉദ്യോഗസ്ഥവിഭാഗം വിവരം അറിയിച്ചു കൊണ്ടുള്ള നോട്ടീസ് നൽകി.